السلام عليكم ورحمة الله وبركاته
أول شي أحب أشكر خيتو تونا على اللعبة الخطيره هذي خلتني أتعرف على مدونات وناس يعرفون مدونتي
اريقاتوووو تونا =)
أنا اليوم راح أكمل القصة والله يعينكم على الأسلوب :)
وترا بتكلم عامي أكثر لاني أرتاح لما اتكلم فيه
كان هناك شخص ما عنده أي هدف ولا أي طموح تعب كتير لأنه ما يفكر وعايش زي أي أحد بس من داخله عنده احساس انه بتجيه فرصة ويصير شي مميز ، فكر يستقيل من شغله ويسافر برا امكن تغير المكان الخارجي يغير شي جوته ، وجا اليوم اللي كتب فيه استقالته وطرق باب المدير الذي كان مستمخّا وهو ينفث سيجارته ونظر لطلب الاستقالة بكل تثاقل وقال : يا حضرة المدير ، أطلب منكم أن تقيلوني فورا :( . فرد المدير : سلامات أخوي خالد ؟ خير إن شاء الله ؟ فرد خالد بأنه يبغا يطلع لبرا السعودية ،فرد المدير وقاله : أنت و وجهك ، وش تبغا تسوي برا ؟؟ فرد خالد : أبغا أرقص ؟!! يعني اش الواحد يسوي!! رايح أشتغل برا !! ونفث المدير من سيجارته نفثة طوييييلة وقال له : مبروووك عليك تم فصلك. لا عاد أشوف وجهك هنا مرة ثانية !! فخرج خالد وذهب إلى المنزل ، ,وقال ﻷهله وش سوى في شغله ! .. أبوه قال : الله يهديك يا ابني ، الله يهديك بس ، وأمه زعلت ودعت له بالتوفيق
وبدأ يتجهز للسفر ،جهز جواز سفره، الفيزا ،إلى آخره . أخونا هذا كان مهووس بثقافة اليابانيين من كثر ما شاف خواطر ،فكان نفسه يروح اليابان ،لكن تجري الرياح بما لا تشتهي السفن :( ... ما تكفي الميزانية ،فقرر أنه يروح الأردن ، ومن هناك قام بالتقديم على عدة وظائف للعمل لكن خبراته العملية والعلمية وضعته في موقف حرج حيث انه لم يتم قبوله في اي وظيفة سوا وظيفة واحدة فقط فكر وفكر هل يقبل ام لا ؟؟! . حيث انه تم قبوله في وظيفة في بنك محلي في الاردن طبعاً ساعات الدوام كانت طويلة والعنصرية كانت ميزة من مميزات مديره حيث انه كان يظن انه ترك عمله في السعودية وجاء الاردن بسبب عمل مشين ا اُلحق في سيرته الذاتية في السعودية انتقل خالد الى شقة متواضعة واستمر في العمل حتى ارتقى الى وظيفة جيدة وبراتب محترم فانتقل الى بيت في منطقة فخمة وبسبب امه وعائلته وقلقهم
الدائم حول مستقبله قرر ان يتزوج
قال لأمه انه يبي يتزوج امه فرحة فرحا شديدا وبدت تدور له على عروس واخيرا لقت بنواته لطيفة وحبوبه المهم دقت على خالد وقالت له بسرعة تعال شف اخترت لك عروس لوءطه
جا خالد للسعوديه وتمت التشوفه والملكه على خير وقررو يتزوجون بعد سنه رجع خالد للاردن وبداء يشغل مره من المرات جته وحده في الدوام تقدم على وظيفه وكانت بنوته جميله المهم خالد انهبل يوم شافها ونسى زوجته والناس اللي في السعوديه
خلص للبنت شغلها طبعا قالها توظيف يعني توظيف لا تخافين
توظفت البنت عندهم وبدت تداوم المهم مع مرور الوقت خالد قالها تراني معجب فيك هي ماصدقت خبر قالت وانا بعد وقالها تتزوجيني
هي على طول وافقة طبعا يوم جا ليلة الزواج ويتذكر ان عنده زوجه هناك بس قال اقول ياشيخ ترا الشرع محلل لك أربع وسع صدرك بس توه يغمض عينه ويرد جواله برقم زوجته................
الحلقة القادمه مع خيتو
هلووو
