السلام عليكم ورحمة الله وبركاته
موقف حصل معي في الكلية وخلاني أعصب من جد
مدري هو عقول الناس اللي تفكيرها متخلف والا أنا اللي أحسن الظن دائما
أسمعو السالفه وأنتو أحكمو
كانت جالسين في البريك وحده من البنات قالت مشتهيه بليله
المهم يوم رقينا فوق شفنا بنت معها بليله
قالت وحده من البنات للي كانت مشتهيه بليله شوفي البنت معها بليله
البنت سمعتم وابستمت وطلعت من الكلاس
يعني الحين وش بيجي في بالكم..؟
تصدقون أن البنت هذي عصبت"اللي مشتهيه البليله"
وش تقول من زينها مصدقه اني بعطيها عين على ايش بس
أنا طبعا لاتعليق من الصدمه من تفكيرها السخيف
قلتلها لا ليش تحكمين على كيفك
البنت طلعت لان صديقتها كانت برا وراحت معها
قالت لا الا ماتبيني أحسدها
انا بس ابي اعرف تحسدها على ايش بس والله لوها جايبه مفطح
قلتها طيب عطيها اي عذر ثاني الرسول صلى الله عليه وسلم يقول:(ألتمس لأخيك المسلم سبعين عذر)
وأنتي عذر واحد بس ماتبين تعطينها
فيه وحده يعني سخيفه بس أهون من اللي تو
تقول عادي يحق لها تخاف من العين
انا هنا حسين اني أتكلم مع ناس مامنهم أمل
وقررت أسكت
