Nora Blog: أغسطس 2010

السبت، 14 أغسطس 2010

ماذا أقراء..؟

السلام عليكم ورحمة الله وبركاته

أول شي حبيت أقولكم أني مسافره لمكه المكرمه عشان العمره وتقريبا بقعد أسبوع وكم يوم دعواتكم

ثاني شي ماشالله كثرت الواجبات اليوم عندنا واحب ماذا أقراء..؟

أعجبني حسيت اني بفيد غيري فيه الله يجزاه خير اللي حط الفكره

1. من أرسل لك الدعوة ؟

أختي آلاء العساف

2. ما هي كتب الطفولة التي بقيت عالقة في ذاكرتك؟

الصدق أني ماكنت أحب القراءه أبدا لما كنت صغيره

وبعد ماكبرت بس من سنتين بس صرت أحب أقراء

والسبب أختي الله يخليها هي كانت تشتري كتب وتقولي هذا حلو وانا أقراءه

3. مَنْ أهم الكتاب الذين قرأتَ لهم ؟

د.خالد المنيف

د.عبد الكريم بكار

أحمد الشقيري

د.شريف عرفه

د.عائض القرني

وفيه كتاب أجانب ماأتذكر أسمائهم

4. من هم الكتاب الذين قررت ألا تقرأ لهم مجددا؟

والله مافيه أحد قررت أني مااقراء له

لاكن أحمد الشقيري قراءت له كتاب لو كان بيننا كان فيه أحاديث غريبه

أنا مااقول اني فاهمه في الحديث والا أحفظ احاديث

لاكن الأحاديث لا يتقبلها العقل بعض الأحيان طبعا بعضها مو كلها

ولم أكمل كتابه بل توقفت ولاكن يمكن أن أقراء له مره أخرى

خصوصا اني أحب برنامجه خواطر

5.في صحراء قاحلة ، أي الكتب تحمل معك؟

القرآن الكريم

6. ما هو الكاتب الذي لم تقرأ له أبدا ، وتتمنى قراءة كتبه ؟

ليس هناك كتاب معينين لاكن أتمنى قراءة الروايات من اي نوع لايهم

لاكن لاتجذبوني الروايات أبدا

وأتمنى قراءة كتاب لاتحزن

7. ما هي قائمة كتبك المفضلة ؟

ليس هناك الكثير

أستمتع بحياتك

أسعد إمراءة في العالم

لماذا من حولك أغبياء

العيش في الزمان الصعب

أكتشف شخصيتك

العادات السبع للمراهقين

8. ما هي الكتب التي تقرؤها الآن ؟ لاأقراء شي حاليا غير القران طبعا

لاكن الكتاب اللي لم أكملها

العيش في الزمان الصعب وأستمتع بحياتك

9. أرسل الدعوة لأربعة مدونين من أجل مشاركتنا بذكرياتهم مع القراءة ؟

مدونة ميوته

حياة طالبة ثانوية

خجل

وشكرا مره ثانيه لصاحبة الفكره ولأختي آلاء

مودتي

الاثنين، 9 أغسطس 2010

اماطة الأذى عن الطريق صدقه ٢

السلام عليكم ورحمة الله وبركاته

هالمره الموضوع مو من عندي الموضوع لأختي كتبته وأرسلته لي على الايميل

وأنا قلتلها بنشره في المدونة قالت معليش

الموضوع يشبه موضوعي اماطة الأذى عن الطريق صدقه

بس بأسلوب مختلف

السلام عليكم

ماراح اتكلم بالموضع بترككم تكتشفونه شوي شوي

ما أدري ايش سبب هالردات الفعل الفضيعه؟
يمكن انا ما امتلك اسلوب اقناع لمثل هالفئة من الناس؟؟

او ما امتلك الصبر على كلامهم وتثير عصبيتي
انا أشوف ان نظرتي للحياة او بالاصح نظرتي للموقف اللي قلته صحيحة مية بالمية خلونا من الجانب الديني قد يكون من حسن الخلق والذوق الاجتماعي واحترام المكان اللي انا ادرس فيه و أعيش فيه نصف يومي..

الموقف اللي ذكرت رأيي ووجهة نظري فيه..ومن عقب على موقفي..
(أيام الاختبارات تزدحم الساحات بالطالبات وخصوصا طالبات المرحلة المتوسطة فهن يغلبن عدداً على طالبات المرحلة الثانوية ...،عند مراجعتي لمادة الفترة الثانية كنت اجلس على إحدى ممرات المدرسة الفسيحة وكان أمامي صندوق كبير تم وضعه من قبل المدرسة لوضع الكتب التي تم الاختبار فيها بدلا من رميها في ساحات المدرسة كانت ثلاث طالبات من المرحلة المتوسطة يقفن امام الصندوق ويمسكن بكتاب ويمزقنه ورقة ورقه!!

لا أعلم بالضبط سبب فعلها قد يكون سببه كرهها لمعلمه المادة او عدم حلها في الاختبار وسبب ذلك قهرا قد يكون وقد يكون قلة تربية وعدم احترام المادة التي يحتويها الكتاب الذي كان كتاب دين؟؟؟ بالفعل كانت قلة ذوق واحترام، عند رؤيتي لتلك الطالبة ناديت بها وسألتها عن سبب فعلتها فلم تجب بل كيف تجيب وهي تعلم يقينا انها خاطئة مية بالمية فقط تركت المكان هي ومن معها وذهبن بعد ان تركن ابتسامه لي

ذكرت هذا الموقف لبعض من قريباتي الأولى منهم اعجبها تصرفي وقالت أنها سوف تفعل مثلي لما تسمح لها الفرصة وتشوف هذا الموقف حيل حلو وكويس وانساني بعد أما

الثانية كانت مراقبة في احد مدارس المتوسط ..كانت ردة فعلها عنيفة بالفعل عنيفة بالنسبة للموقف قالت لي بالنص(ليش أوجع راسي شيلي هذا وحطي هذا ولية ترمين الكتاب ووو)كانت ردة فعلي صدمة اولاً وثانيا قلت لها تتوقعين اني ملزومة بهالشئ؟

وهل تتوقعين لو كنت تعبانة و لا مالي خلقة اني لو شفت احد يسوي هالافعال الا وأتكلم معاه اصلا مو شغلي هالشئ عشان اصير ملزومة فيه؟؟ كانت اسئلة بخاطري كثيرة عن ردة فعلها بس انها ما تركت لي غير كلمة وهي (اوووه "في" وجاتها فرصة تمدح نفسها)؟؟؟؟؟؟؟؟؟؟؟؟؟؟؟؟؟؟

(قلت موقف ثاني مرة شفت بنت ترمي غطا الهولستن على الارض انا رحت وشلت الغطا ورميتة وتمنيت انها شافتني عشان ماتسويها ثاني وتستحي هلى وجها بس يلة مو المهم انها تشوفني)وايضا ردت فعل قريبتي كانت نفس الشئ سيئة جدا بعكس قريبتي الثانية. ما بذكر كلماتها لأنني بركز على شئ ثاني أهم من هذا بكثير.

حبايبي..
خلونا ناخذ ان هالأفعال من الأمور اللي أمر فيها الرسول علية السلام
نقول من الذوق الاجتماعي ياناس بالله عليك ماتنبسط اذا شفت احد يشيل اللي وراه او ورا غيرة ويرمية بالزباله(الله يكرمكم)
والله اشياء حلوه وتشرح القلب.. وغير كذا احنا من اسوء لأسوء من ناحية النظافة في الرياض بس وهي العاصمة وشلون لو كانت بالمدارسة او القرى او او ...
واللي يقهر زياده نفس هالفئة من الناس يشوف برا او تروح برا وتجي للسعودية وتقولك(ياااهم نظيفين والله الزران نفسهم يشيلون وصاختهم ولا وياخذون عليك غرامه لو رميت بالشارع
بالله وش ترد عليهم حتى لسانك يسكت ماتدري وش تقول من قوة الوجيه والله لو تبون هالشئ يصير عندنا انتوا نفسكم سووه لا تذكرون شئ عند الغرب و انتو مو مسوينه او مو اخذوا منهم الزين واتركوا الشين وهذا الشئ انا اشوفه زين ليه ما ناخذه منهم والغريب انهم كفاااار واحنا اهل النظافة والاسلام عندنا جده ثلاث او رابع دولة فيها تلوث!!

والرياض بلحالها شوارع الرئيسية فيها يقالها نظيفة يقااالها بس تعال الحواري والسكك فضيعه وهالشئ يعكس نظافة السكان نفسهم يعني من اللي وصخ بالسكك والحواري؟؟؟اهل البيوت اللي مقابلينهم ...

هذا اكثر شئ حبيت اوضحه و منقهره منه من زمان بس ما سمحت الفرصة اكتب والحين سمحت لنا و ياليت نرتقي شوي شوي بس بالنظافة ماقلنا شيلوا من غيركم شيلوا عقبكم وعساكم تشيلون من غيركم...من جد شئ يقهر ومو حلو ويجلس الواحد يفكر بالله متى بيتطور هالشعب متى بيرتفع بالمستوى الذوقي الاجتماعي واحترام الاماكن العامة اسواق وحمامات(اكرمكم الله)حدائق ......الخ
الله يهدي الجميع ويرتفع عن مستوى الدناءة والتفكير الصغير

تحياتي لكم جميعا واتمنى ان اي احد كان يسوي مثل هالافعال يترك هالشئ ويفكر بالمستوى الديني والذوق والاحترام ومن حميع النواحي.:)

تحياتي المسائية والصباحية لكم وهذي رسااااااله لكم جميعا وياليت تسوون هالشئ

و تطبقونه

"Fayoon"