 السلام عليكم ورحمة الله وبركاته كيفكم زوار مدونتي الحلوين ..؟  تدوينة اليوم ثنين في واحد شرح لطريقة وضع خلفية لتدوينة في مدونة بلوجر + واجب تدويني راح أبداء بالواجب التدويني مرسل من خيتو عناد  س1 : من أرسل لك الدعوة ؟ عناد س2 : ما هي المواقع المفضلة لديك و تزورها باستمرار ؟ ضع رابطها و ما تستفيده منها أسوف ايش أخر المسلسلات الجديده وأقراء تقاريرهم وادخل على قسم الأجهزه الذكيه + موقع روعه يقدم لك جميع التطورات في عالم التقنيه في جميع المجالات + للبحث عن أدوات لتصميم موقع ابداع للمصممين وأعضاءه مبدعين ومواضيعهم حلوه  + تويتر غني عن التعريف + مدونتي((أول شي هي  + بعض مدونات الأصدقاء + منتدى أستفيد منه لبرامج الاندرويد والمشاكل اللي أواجهها + تمبلر أحب الصور اللي فيه  + الفيس بوك أشوف أخبار الناس وأتواصل معهم س3: حول الواجب الى 5 مدونين ايمان ضيوفه محمد أزهار سكتشات  1- أفتح انشاء رسالة جديدة ثم ننتقل لوضع تحرير HTML  <table background="رابط الصورة" border="0"><tbody> <tr><td>هنا ضع موضوعك</td></tr> 3- أستبدل كلمة رابط الصورة برابط الخلفية اللي تبي وهنا ضع موضوعك أكتب مثلا بسم الله الرحمن الرحيم بعدين أنتقل لوضع التأليف عشان تكلمل كتابة باقي الموضوع عادي وبس بالعافيه عليكم الخلفية لكم  |
الخميس، 30 ديسمبر 2010
طريقة وضع خلفية لتدوينتك على بلوجر
الاثنين، 27 ديسمبر 2010
بعض الأشياء تكون أجمل حين تكون بعيدة وتتشوه جدا حين نقترب منها..كـ أنت
 كيفكم ياالحلوين..؟ ان شالله كلكم بخير جمعت لكم صور حلوة من مفضلة تمبلري ومن جهازي ممكن تفيدكم في التصميم أو اي شي ثاني وممكن تستخدم كاستوكات أترككم مع النماذج          وبس أنتهينا طبعا جميع الحقوق محفوظة لي مدونة نوره  التحميل هون بالعافيه عليكم  |
الخميس، 23 ديسمبر 2010
My Galaxy Tab
السلام عليكم ورحمة الله وبركاته
كيفكم زوار مدونتي الكرام؟
أبشركم وبعد طول انتظار وبحث وتردد تم شراء الجالكسي تاب
طبعا قبل كل شي أنا كنت أبي جوال جديد وكنت أنتظر الايفون 4 على أحر من الجمر المهم نزل وخاب أملي لما مانزل الابيض وقالو انتظري بعد وبينزل الأبيض قلت يله انا منتظرة منتظرة وخلال فترة الانتظار نزل الجالكسي أس بنظام أندرويد
طبعا النت ماناخذ منه كلام صاحي اللي يمدح والا يذم واللي متعصب يعني تحتار من جد خصوصا النظام جديد ولا أحد حولي جربه
المهم مره من المرارير شفته عند محل جوالات وخقييييييت اخر شي الجوال خفيييييف وانيق قلت خلاص شاريته شاريته
بعدها بكم يوم أعلنوا عن الجالكسي تاب او كان نازل بس مادريت عنه في البداية قلت وش ذا بعد نسخه من الصغير بس أكبر
المهم راح ابوي يجيب لي الاس وقام راحي المحل يذمه ويقول مو حلو ومدري ليش((طيب وش دخلك انا ابيه وبتحمل المسؤوليه
ولا جابه لي يقول مابيك تتورطين بعدين فكري والا دوري احسن منه((يمكن خيره
بعدين نزل التاب هنا بالسعوديه عجبني خصوصا ان لابي شبه قديم ولونه ابيض((أهم شي عندها
رحت جرير اشوفه لقيتهم حاطين التاب وجامبه الاي باد
كان صغنوني بالنسبه للايباد انا بس مسكته رحت فيها حجمه يجنن أهني سامسونغ على التصميم جميييل جدا وخفيييييف
من ذاك اليوم وانا ماانوم بسبته((حشى موب جهاز خخخخخ 
أقلقت أمي أبيها تشتريه لي واخيرا وافقة ياحوبي لها ماتردلي طلب أبد
واخيرا حصلت على الجهاز اللي أنتظرة من زماااان أنتم بس لاحظوا المراحل اللي مريت فيها
الجهاز له معي الحين يمكن اربع أيام ومن أحسن مايكووون بس الماركت جنني لين طلعته 
طبعا اكيد بعضكم مايعرفه او يقول انه نسخه من الايباد
هو يشبه الايباد بس في فكرة انه جهاز لوحي بس لكن التاب كله تتش والايباد فيه زر واحد حقيقي
التاب يدعم العربي رسمي من سامسونغ بس مابعد جا دعم الاندرويد بعكس الايباد
التاب فيه بلوتوث ومومري خارجي وكام واتصال فيديو وصوت الايباد مافيه ولا وحده منهم
لكن الايباد تطبيقاته اكثر وهذا لان نظامه أقدم من نظام الاندرويد
وايضا سلاسة الايباد أفضل من التاب بدرجه
وطبعا كل واحد احتياجاته وختياره
هذا فيديو للمقارنة بينهم للي يفكر يشتري لوحي ومحتار واليوتيوب مليان مقاطع
الحين حان وقت الصور قولوا ماشالله
الواجهه والالوان صااافيه وواضحه بس التصوير ظلمها
من الأشياء اللي عجبتني في الجهاز بدل ماتدخل على تطبيق تويتر او الفيس بوك وتشوف اخر التحديثات هنا مايحتاج التحديثات كلها تطلع لك في الصفحه الرئيسية للجهاز
الجهاز من ورا مثل ماقلت لكم فيه كام 3 ميجا بيكسل واماميه مدري كم
قراءة الكتب فيه رائع جدا بس لسا مابعد عرفت أضيف كتب عربيه
وأهم شي في السالفه كلها يدعم عربي شوفو الكيبورد
تويتر((أهم شي
مدونتي الجميله
الأفلام فيه خوقاااااااق وأهم ميزة أنقل وشوف يشغل أغلب الصيغ بدون تحويل وحوسه
وسلامتكم
هاه كيف عجبكم تابي
أكسرة بالعافيه يارب 
لكم لك أبوكم
الاشتراك في:
الرسائل (Atom)