Toki Crafts

السلام عليكم ورحمة الله وبركاته كيفكم ياالحلوين..؟      أمس رحت لمهرجان الرياض النسائي طموح فكرة حرفة مره جميل ومرتب والبنات مره فنانات ماشالله وان شالله ناوية بزيارة ثانية لاني هذي كانت على السريع وكان بعض الأركان مسكره المهم وانا اتمشى في أمان الله والا واشوف هذا المحل قدامي واجي طيراااان له    تعرفوني أحب الأشياء الظريفة اللي كذا   والله خقيت خقة عنيفه واللي يخقق صدق ان اللي فيه أسيويات أنا توقعتهم يابانيات بس قالت لا كوريا أنا أنهبلت((الله يفشلك وعلى طول قلت انيوهسيو وقامت تسولف معي شوي كوري شوي عربي والله العربي عندها احسن مني تتكلم سعودي صح   وقلت اني احب كوريا وكذا قالت روحي لها ترى مره حلوه قلت ايه ان شالله اذا لقيت احد يوديني عاد قررنا نصيح صديقات خخخخ ووعدتها أسوي لمحلها هي وبنتها دعاية   هذي صور من الركن حقهم     السوارات هذي تسوي لك أسمك الكوري عليها أنهبلت يوم قريت الأسماء اللي عليها   عاد أنا أهايط أقولها وش فيك أنا أدرس المبتدئين في اللغة على الانترنت وعلى فكرة كله شغل يدها   وتقدرون تطلبون منها اي شي اذا ماكان موجود أسعارها ممكن تكون غاليه بالنسبة لبعض الناس بس انا أشوفها كويسه بالنسبة لشغل المتعب المخدات الكبيرة 80 والصغيرة 60 تعليقات الجوال 25 والسورات مدري بكم نسيت أسألها هذا معرضها  أنا أخذت منها مخدت هيلو كاتي الكبيرة   أنصحكم بزيارة المهرجان وقسمهم من الأقسام اللي أعجبتني

3rbyzy إلى أين..؟

السلام عليكم ورحمة الله وبركاته 

kyf al7al?  <<وين الجمال في العبارة..؟  

 شكرا لصاحبة التصميم الجميل  

موضوع طرحته في تويتر وفي الفيس بوك الحمدلله الموافقين أكثر من المعارضين 

ومن أغرب التعليقات (الموضوع ماله فايده والموضوع مايستاهل كل هالضجه)  

ليش مايستاهل..؟ 

هذي اللغة العربية أجمل لغات العالم نزل القرآن فيها كل شخص يسلم لازم يتعلم العربيه العربية مرتبطه ارتباط وثيق في الاسلام 

ايضا هويتنا العربية مهزوزه جدا وأحنا نزيد الطين بله  

وبصراحه أنا أعتبر الشخص اللي يتكلم بهذي الطريقة انسان ماعنده اي فخر بعروبته  

سألت آل تويتر الموافقين كيف نقضي على هذي الظاهره لكم بعض الأراء 

Aribal نستخدم اللغة العربية ونبدأ بتشجيع الآخرين على أستخدامها ولا نستخدم هذه اللغه حتى لو كتب بها الأخرين

Nadine178 باعتزازنا بلغتنا وبالدراسات

MaymounahSA حملات توعوية توضح خطرها على لغتنا العربية

KianPs أنا ارفض هذه الفكره بتاتاً البتا

Nisreen_N أن أصّر ع استخدام اللغه الام او الانجليزيه دون التجاوب لهم،فانا افهم طلاسمهم ولكن اطلب ترجمتها واعاتبهم كل مرة

Hadolh ببيان خطرها ع لغتنا الأم 

أنا عجبني رائي Nisreen_N لما أحد يكلمني بهذي اللغة أقوله مافهمت ترجم

بعض الناس فهموني غلط واني ضد الانجليزية أنا مو ضد الانجليزية وعادي اكتبوا بالانجليزي

أنا ضد فكرة اننا نكتب كلام عربي بحروف وأرقام انجليزية

وبعض الناس وهذي الطامه الكبرى فاهمين الموضوع غلط يعتقدون انك اذا كتبت بهذي الطريقة يعني انت انسان فله ومتحضر وكول مثل:

Nisreen_N اذكر صديقة قالت لي أنتِ (مو كول)  ((هذي فاهمه الكول غلط  

وبعد فيه ناس هاجموني عشان اللغة الكورية  

مدري وش دخلها أنا ماقلت لكم لاتتكلمون انجليزي بس تكلموه زي ماهو حتى الانجليزي شوهتوه انا دائما احب اكتب الكوريه بحروفها بس بعض الاحيان اكتبها بالعربي عشان فيه ناس مايعرفون يقرون كوري

فيه ناس يكتبون بهذي الطريقة لأنهم متعيجزين وبعضهم متعود على الكيبورد الانجليزي وبعضهم يقلون ان الكيبورد العربي للبي بي مزعج جدا 

عادي اهم شي ماعندكم أفكار غبيه مثل اللي فوق وبعد أن عندكم فخر باللغة العربيه 

وقدرت أقنع شخص واحد وقرر يصير يكتب عربي طبيعي 

Ezo18 ان شالله من اليوم وكلا عربي :)  

وفيه كلام من هنا وهناك

Kfakgror انا مقتنعه فيها و تعجبنبي بس ما اكتبها B-)

Aribal أعاني كثيراً لفهم طلاسم لغتهم المشوهه 

totaauymi صح معاكي حق الكتابه بالعربي اسهل بس والله اكثر ماأتكاسل يوم اكتب من الجوال XD 

Nisreen_N الانجليزي المعرب من احدث وسائل قمع الضعف الإملائي لدى الشخص،فمن يستخدم هذه الانجليزي المعرب هو غالباً ضعيف باللغة العربية 

Aribal أنا معاك فيها ماادري مين مخترعها مشوهين اللغات

iFNOoON أنا معك ‏..‏ لقد انني أكره تلك اللهجة العوجاء ‏..‏ ‏:‏)‏

ياليت محد يزعل مني بس جد الموضوع مو عادي 

ممكن مع الوقت تموت العربيه وتحل محلها الانجليزية مثل ماصار لبعض البلدان  

وفي النهاية موضوع يقرقع في خاطري وحبيت أتكلم عنه

 وباب النقاش مفتوح في هذا الموضوع خذوا راحتكم