السلام عليكم ورحمة الله وبركاته
كيفكم يالجميلين..؟
وكيف الاجازة معاكم..؟
ان شالله كل شي تمام 
في خلال الفترة اللي راحت حسيت اني سويت اشياء مفيدة وانجازات عظيمة بالنسبة لي 
وفي مجالات مختلفه
اول حاجة في
المجال الجسدي :
بعد ماخلصت من الكلية صرت فاضية لنفسي بس اول شي رحت لدكتورة عشان اعالج بشرتي التعبانه 
واعطتني علاج كويس واستمريت اخذة لمدة سبع شهور تركته الحين لي ست شهور تقريبا الحمدلله ماشفت ولا حبة مره ثانيه وصرت احط خلطات ووصفات عجيبات بس والله صارت تفيد بعضها
الشعر بديت اهتم فيه اول ساحبة عليه
ازيتة واحنية هو مو سيء اول بالعكس ناعم وحلو بس من باب الاهتمام خصوصا جته فترة صار يتساقط 
غيرت الشامبو لشامبو طبيعي والحمدلله تحسن
الجسم الله مااجمل شعور الخفة خخخخخ 
رحت لطبيبة تغذية وقالت لي اني زايدة كم حته عن وزني المثالي
اخذت نظام غذائي منها وبديت امشي عليه في البداية كان يجيب الهم جوع وحالة وابي ايسكريم وابي شيبس 
بس مسكت نفسي شوي
بديت امارس اشين رياضة عندي المشي لان الدكتورة تقول مفيدة للجسم والصحة وتحافظ على وزنك 
مع شوي من الرقص وبعض الحركات المساعدة
واخيرا وصلت للوزن المطلوب 
ردات فعل الناس احسن شي خخخخخ 
اللي من زمان ماشافوني سلامات نوره وش فيك مريضة ؟
واللي يقولون ماعرفناك من بعيد
واحسن شي اذا لخبطوا بيني وبين اختي بالعباية هع 
الملابس صارت وسيعه لكن تلبس عادي
المحافظة على الوزن المثالي اصعب شي
من الناحية الاجتماعية:
الفترة قبل اللي راحت جتني عزلة غير طبيعية 
ماابي اطلع من البيت لو ان ماما تغصبني وتزعل والا كان مافيه امل
مااطلع مااضحك ومستحيل اسهر مع البنات وفلة كذا
اروح للبيت على طول
الحين تحسن وضعي ورجعت طبيعية اطلع واروح ولو انه فيني هالنفسية لين الحين بس خفت كثير الحمدلله
من الناحية اللغوية:
دخلت المعهد بكمل كورس الانجليزي درست مستوى واحد ووقفت 
قررت اتعلمة لحالي شريت كم كتاب وجالسة اتعلم منهم مع بعض الدروس الخفيفة على النت واليوتيوب 
هذي القناة حلوه الاخ ابو عمر يعطي نصائح ودروس خفيفة وجميلة 
اللغة الكورية درستها بجد اخذت دورة بسيطة على النت بس لسا ماكملتها
شوي بعدت عنها الفترة هذي بسبب الانجليزية
من الناحية المدونية:
بديت اسوي دروس فيديو لتعلم الكورية على مدونتي لتعلم الكورية
فتحت مدونتي الثالثة مدونة أسوة حسنة تتحدث عن اخلاق الرسول صلى الله عليه وسلم
وتطبيقها في حياتنا اليومية
غيرت ستايل مدونتي شكرا حصوص اوني بنت عمتو على الهيدر الجميل والظريف كوماوا 
وبما اني بديت احس اني صرت ماامون على مدونتي
قررت اكتب هالتدوينة وبحاول اكثر من هالمواضيع
تقريبا هذي أهم التغييرات الجميلة
امسكوا
