السلام عليكم ورحمة الله وبركاته
كيف حالكم جميعا..؟!
ياعساه دوم بخير
موضوع تفائلي جديد ان شالله يعجبكم عاد مالي حق قطاعه ومواضيع تسد النفس ((كملت
تواجهنا بالحياة مشاكل وأوقات صعبة نحزن،،نبكي،،نضحك،،نيأس،،نحب،،نكره.....
وكل شخص وله طريقته في التعبير عن مشاعرة
أشخاص لما يحزنوا يبكوا وأشخاص فجأة يبدون يحكون ويتكلمون حتى تستغرب انهم يحكون في أمور مدري كيف والا غريبة من هالشخص يحكي فيها
لحظة الغضب من أسواء اللحظات
خصوصا اذا كنت من الناس اللي اذا عصب مايفرق بين امه وابوه ويكسر ويطيح كل شي قدامه
ولحظات الحزن مثل لما تفقد شي او شخص عزيز لاسمح الله
أنا اليوم بقولكم طريقتي في التصرف في كل هذي اللحظات ولأني صرت أحس انها مفيدة قلت لازم لازم تستفيدون منها ((الله يسر بس
احم أول مره أستخدمتها لما كنت بالكلية فاتني اختبار الاحصاء النهائي
كنت احسبه اليوم اللي بعده ((الله يخلف
لما دريت اني جبت العيد وفوت الاختبار كذا دموع تنزل لا اراديا بس بنفس الوقت كنت اقول نوره عادي وان شالله خيره والحمدلله
جلست شوي وصار الوضع عادي ولا كأني اللي تو تصيح وحالتها حاله
ومو بس كذا كملت مذاكره ((ماصدقت ان الاختبار فاتها خخخخخخ
اللي بوصله من هالسالفة ان الرسائل الاجابية او السلبية اللي ترسلها لنفسك ولمخك تفيدة لتغلب على الموقف وبرضو يخليك تعيش يومك مرتاح بدون ماتهوجس او تفكر
ومن يومك هذا وأنا ماشيه على هالطريقة وعشان مزاجي صدق يتحسن اقولها بالكوري
لما تحزن قول لنفسك (أسمك) عادي وانت مو كذا خليك متفائل وربك بيعين والكلمة اللي انا دائما انا استخدمها [كل شي بخير يانوره 괜찮아요 누라]
في لحظات الاحباط واليأس اعطي نفسك رسالة ايجابية انا قدها انا اقدر فايتينغ ^^
لما تتألم والا يعورك شي قول ربي بيشفيني هذا الم بسيط ويخف وقول
ربي اني مسني الضر وانت ارحم الراحيم) كلمة مسني تحسسك انو ألم بسيط سبحان الله
بعض الاحيان لو تبي تكره نفسك بشي (اسميها رسائل سلبيه)
برضو تنفع هالطريقة مثل انت مدمن حلا
(أسمك)تراك بتصير دب وقبيح وبشع ووجهك كله حبوب ويجيك السكر والمرض ((بتقول سرطان بعد شوي خخخخ
(استخدمها لما اشتهي نيوتيلا
) لما تحس انك اقل من غيرك
فكر انا عندي وعندي وعندي وان شالله راح اصير احسن منهم والحمدلله ربي عوضني باشياء ثانيه اهم غيري مايحصلها لو يتحسر لين بكره ((الاسلوب بشوي شوي طيب
لما تخسر شي عزيز
والا مايصير في تجديد وتنوع بالحياة
(مثل لما الماك حقي صار اسود بعد الحريق قعده امسحه وفقد لمعته واقول لنفسي حلو يانورة رجع لونه ابيض مثل اول)
يعني فكر في انه فيه شي احسن من شي
بس فيه نصيحة بعطيها لكم ماتستخدمون هالطريقة لما تصير بينكم وبين الناس مشاكل
مثلا تتهاوش مع صديقك وتقول لنفسك عادي وبدال الصديق عشرين
والا تستخدمها عشان تريح ضميرك من أخطائك لانك كذا بتخسر الناس وتصير شخص متبلد ووقح ومنبوذ
يفضل تعطي نفسك رسائلة تقول كل شي بيصير بخير واحنا بنتصالح وبترجع مثل اول
وبهيك صدقني تمشي امور حياتك
ممكن انك تستخدم هالرسائل الايجابية او السلبية بطريقتين
أما انك تكتبها أو تقولها بصوت مسموع وهي المفضله واللي لها تأثير بالنسبة لي وترى افضل تقولها لنفسك مو لناس لان الناس ماراح ينفعونك هم بيستمتعون بسالفة جديدة وبس ولا راح يحلون لك شي
لكن لما تطمن نفسك وتريحها وتعطيها حافز حلو راح تقدر تفكر بالمشكلة بشكل عقلاني وراح تعطي نفسك الحلول المناسبة
وكمان راح تعطيك تفائل عجيييب وثقة بنفسك وربك عجيبه
وأخر حاجه ربي يبعد المشاكل والحزن وكل انواع النفسيات المعفنه عن حياتكم
وتصير ابتساماتكم شاقة خشيشكم على مدار العام
قولو امين
لكل اللي مروا وقروا خربشاتي
دوك
