السلام عليكم ورحمة الله وبركاته
يسعد أيامكم جميعا 
تسيف الحال؟عساكم مرتاحين ومبسوطين وهيك؟!
بحكي لكم اليوم تجربتي في انقاص وزني بصراحة كانت تجربه ممتعة جدا وماحسيت بتعب أو ملل فيها
بالعكس كانت صحتي تتحسن وجسمي تزيد لياقته 
البداية
مدري وش خلاني أفكر أنزل وزني مع اني ماكنت سمينه مره بس كنت أبي أوصل للوزن المثالي المتناسب مع طولي 
بالبداية رحت عند دكتورة تغذية وأعطتني بعض النصائح وبرضو نظام غذائي وكانت كل أسبوع تعطيني نظام جديد
وفي كل أسبوع تاخذ مقاساتي ووزني وكم نقصت وحجم الدهون اللي نزلتها وكل شي >> اذا جا اليوم اللي تاخذ فيه كل هالاشياء أتوتر خخخخخ
وطبعا هذا كلة في عيادة الهايبوكسي وهذا علاج غريب جديد علينا لتنحيف حتى طريقته غريبة جدا
هذا الشي اللي أسمه هايبوكسي عبارة عن أجهزة واحد يشبة الدراجة وواحد نفس السير اللي نعرفه وواحد غريب شوي راح أوريكم الصور
اللي يميز هذا النوع من العلاج لتنحيف اللبس اللي تلبسة أثناء ممارسة الرياضة لبس يزيد حرارة الجسم يعني بتحس بحرارة وتعرق بشكل مو طبيعي وهذا هو ميزة العلاج هذا أنه يحرق الدهون في أسرع وقت ممكن
أجهزة الهايبوكسي
جهاز الهابيوكسي
شكلة غريب وأذكر المدربة كانت تقولي فيه ناس يخافون منه خخخخخخ
هو تنسدحين على هذا الشي الأحمر ورجولك تحطينها بزي الدراجة وتحركينها
وهذا الابيض اللي فوق يسكر عليك >>هذا اللي مخوفهم هع
جهاز الفاكيوم مساج
هذا ماجربته والله
بس يسمونه جهاز المساج يلبسونك هاللبس الأسود
ويضغط على الجسم بعدين يرخي ويضغط ويرخي>>هماتس ماجربتيه
ويسبب تعرق للجسم طبعا
>>هذا ماتسوين فيه شي بس منسدحه
جهاز الفاكونات
هذا هو السير نفس السير العادي
بس الحكمة هنا من اللبس اللي تلبسة أثناء المشي لبس كذا يشبة حق الغواصين
ويضغط على الجسم أقوى شي وهذا اللبس فيه مقاسات
وكل ماتنحف يغيرون لك المقاس >>وناسة لما توصلين سمول
أنا كنت أروح للي في مستشفى دلة ماأدري اذا فيه مستشفى أو مركز ثاني يقدم هذا النوع من العلاج ممكن الحبيب بس ماأفتيكم ولمزيد من المعلومات حول أجهزت الهايبوكسي خشوا هون
نصائح مهمة لانقاص الوزن:
خلال تجربتي هذي كان فيه نصائح من الدكتورة وجدا مهمه منها
١-الدكتورة كتبت لي هذا الكريم حق وسلوليت وقالت لي أحطه قبل ماابداء استخدم هالاجهزة وقبل ممارسة الرياضة عشان يصير له تأثير أفضل أسمه gerovital plant
٢- الاكثار من شرب المويه قبل الوجبة كاسين لانه يساعدك أنك تشبعين بسرعة
وحاولي بكل مره تزيدين الكمية الموية جدا مفيييدة يعني كل ماتذكرتي أشربي
٣- في الصباح وعلى الريق أشربي موية دافية معاها ليمون
٤-رياضة المشي والرقص وشبرة أمره لمدة نصف ساعة باليوم مارسي وحده منهم
٥-الرز على الغداء لايزيد عن ٦ ملاعق فقط والدجاج ينصح بصدر دجاجة مشوي
٦-العشى يكون شي خفيف بعيدا عن النشويات
٧-كل شي خذي قليل الدسم (حليب-زبادي-لبن-جبن-لبنه)
٨-الخبز طبعا تاخذين خبز البر
٩-شرب الزنجبيل بعد الوجبة خصوصا لما تكون دسمه ممتاز جدا
٩-شرب الزنجبيل بعد الوجبة خصوصا لما تكون دسمه ممتاز جدا
١٠-ممارست هذي الرياضات اللي تساعد على شد البطن كل مافضيتوا سووها وكل مرة زيدوا ثانيه
يجي وقت المحافظة يعني التخفيف من كل شي
مثلا كلي حلا بس لاتكثرين كلي مقلي بس شوي لاتتحمسين عشان مايروح تعبك على الفاضي
أستمري على المشي أو الرقص أو السباحة اللي تحبين
اذا ممكن تدخلين نادي أدخلي أنا جربتها ودخلت نادي
يكفي جو النادي كان ممتع جدا
وهذي كانت تجربتي مع الرشاقة والنحف
وبصراحة من كثر ماانا معجبتني التجربة أفكر أعيدها
لكل اللي مروا منّا
أمسكوا
.gif)
