أيش هواياتك..؟!

السلام عليكم ورحمة الله وبركاته أيش هواياتك؟؟  أصعب سؤال يواجهه كثييير من الناس  لما تسأل أحد أيش هواياتك؟؟ يرد عليك امممم والله مدري والله مافيه شي محدد  والاجابه الجديدة يقولك هوايتي الأنترنت!!  من متى صار النت هواية يعني أحسه تكملة للهواية الأساسية مثلا أنا كاتب فا أنشر اللي أكتبه على النت أو أنا مصور أنشر صوري وهكذا نجي لشخص اللي مايدري أيش هواياته عمرك عشرين وفوق والى الأن ماكتشفت نفسك!!  اذا انت ماتدري مين راح يدري كل انسان وعنده حاجة يتميز فيها أو يبدع فيها فقط جرب  راح تنبهر من نفسك وتقول ويني عن نفسي من زمان >> كيف التعبير بس  طيب نوع آخر لما تسأله عن هواياته أول حاجة تخطر بباله "القرأة" وهو ماقرأ كتاب من سنه  برضو يقلون لك القرأة ليست هوايه بل هي حاجة واجبه لازم تمارسها في فترات متقاربه كل شخص وحسب مزاجه  طيب لما تكتشف هوايتك أو الحاجة اللي تحبها وتبدع فيها  لازم تنميها وتطورها: 1- وأحسن طريقة هي مخالطة ناس نفس الاهتمام عشان تتبادلون الأفكار والخبرات وكل حاجة جديدة 2- القرأة والبحث عن أخر أخبار مجال هوايتي مثل أنا مصور ببحث عن أكثر الصور جمالا وأنواع الكاميرات والعدسات وكذا 3- الممارسة مارس الرسم مثلا عشان تطور فيه او الكتابه او التصميم 4- برضو قلد في البداية مع الوقت راح تبتكر أسلوبك الخاص  5- خلي الأشخاص الأكثر منك خبره والأقدم في هالمجال ينتقدونك ويصححون لك  6- أظهر هواياتك ومواهبك لناس خليهم يشوفون قد ايش أنت شخص مو عادي وممكن تكون بانشاء صفحة شخصية على الانترنت وعرض أعمالك أو كتاباتك  لماذا الهواية؟؟  أولا تملي وقت فراغك في شي مفيد ومسلي تصرفك وتشغلك عن الأشياء اللي ممكن تسبب لك الانحراف  عشان ماتكون شخص عادي وتكون لك بصمه في الحياة وأشياء يتذكرونك الناس فيها  الهواية قد تكون مصدر لكسب الرزق أحيانا  التميز بأي شيء حتى لو صغير يشعرك بالسعادة والرضى  ويفتخر فيك أمك وأبوك وأهلك لما تكون شخص مميز في أي مجال  ماذا عن هواياتكم..؟! * تحديث عشانكم تبون تعرفون هواياتي الخونفشارية تصميم..تدوين..تصوير..الرسم..تعلم اللغات..الاعمال اليدويه.. أنتهى !!  هو الأفكار مدري كيف أحسها مو مرتبه بس مشوها موضوع جا ببالي بنص الليل وخفت ااجله لبكرة وتطير أم الأفكار كلها  أمسكوا