Nora Blog: تجربة

السلام عليكم ورحمة الله وبركاته

يسعد أيامكم جميعا

تسيف الحال؟عساكم مرتاحين ومبسوطين وهيك؟!

بحكي لكم اليوم تجربتي في انقاص وزني بصراحة كانت تجربه ممتعة جدا وماحسيت بتعب أو ملل فيها

بالعكس كانت صحتي تتحسن وجسمي تزيد لياقته

البداية

مدري وش خلاني أفكر أنزل وزني مع اني ماكنت سمينه مره بس كنت أبي أوصل للوزن المثالي المتناسب مع طولي

بالبداية رحت عند دكتورة تغذية وأعطتني بعض النصائح وبرضو نظام غذائي وكانت كل أسبوع تعطيني نظام جديد

وفي كل أسبوع تاخذ مقاساتي ووزني وكم نقصت وحجم الدهون اللي نزلتها وكل شي >> اذا جا اليوم اللي تاخذ فيه كل هالاشياء أتوتر خخخخخ

وطبعا هذا كلة في عيادة الهايبوكسي وهذا علاج غريب جديد علينا لتنحيف حتى طريقته غريبة جدا

هذا الشي اللي أسمه هايبوكسي عبارة عن أجهزة واحد يشبة الدراجة وواحد نفس السير اللي نعرفه وواحد غريب شوي راح أوريكم الصور

اللي يميز هذا النوع من العلاج لتنحيف اللبس اللي تلبسة أثناء ممارسة الرياضة لبس يزيد حرارة الجسم يعني بتحس بحرارة وتعرق بشكل مو طبيعي وهذا هو ميزة العلاج هذا أنه يحرق الدهون في أسرع وقت ممكن

أجهزة الهايبوكسي

جهاز الهابيوكسي

شكلة غريب وأذكر المدربة كانت تقولي فيه ناس يخافون منه خخخخخخ

هو تنسدحين على هذا الشي الأحمر ورجولك تحطينها بزي الدراجة وتحركينها

وهذا الابيض اللي فوق يسكر عليك >>هذا اللي مخوفهم هع

بس عادي والله ولا يخوف ولا هم يحزنون

جهاز الفاكيوم مساج

هذا ماجربته والله

بس يسمونه جهاز المساج يلبسونك هاللبس الأسود

ويضغط على الجسم بعدين يرخي ويضغط ويرخي>>هماتس ماجربتيه

ويسبب تعرق للجسم طبعا

>>هذا ماتسوين فيه شي بس منسدحه

جهاز الفاكونات

هذا هو السير نفس السير العادي

بس الحكمة هنا من اللبس اللي تلبسة أثناء المشي لبس كذا يشبة حق الغواصين

ويضغط على الجسم أقوى شي وهذا اللبس فيه مقاسات

وكل ماتنحف يغيرون لك المقاس >>وناسة لما توصلين سمول

أنا كنت أروح للي في مستشفى دلة ماأدري اذا فيه مستشفى أو مركز ثاني يقدم هذا النوع من العلاج ممكن الحبيب بس ماأفتيكم ولمزيد من المعلومات حول أجهزت الهايبوكسي خشوا هون