وصلنا الدايسو

السلام عليكم ورحمة الله وبركاته 

الدايسو ماأدراك ماالدايسو خخخخخ 

قلتلكم في التدوينه الي قبل اني مترت الرياض أدور المحل

بس اكتشفت في الاخير انه في خريص 

المهم يوم جا من بكره قومتني امي الظهر تقولي نوره تروحين معي السوق

قلت هاه مااشتهيت 

قالت بوديك الدايسو 

انا هاه! يالله يالله 

ركبنا السيارة ووصلنا خريص بلازا 

أنا أقولهم موب فيذا وهم يقلون الا

امي تقول مااخبر ان فيه عثيم مول ثنين 

المهم دخلنا كان وقت المغرب صلينا

وتونا بنبدء رحلة البحث بس امي قالت خلني اسال قبل 

سألنا رجل الامن قال موب هنا في العثيم مول 

طلعنا من خريص ومشينا ومشينا

جت لوحه مكتوب عليها الدمام

أمي قالت معد بعد ذي شي 

خلاص بنرجع

أنا أنددددييييه(لا) شوي خلنا نمشي 

واخيرا ظهرت لنا لوحه العثيم مول 

دخلنا وعلى طول الدور الثاني بجنب ستي ماكس على ذمة بنات الاقلاع

مشينا شويات ولقينه 

واخييييييييييييييييييييييييييرا واللي ناوي يروح لايضيق صدره لان السوق موب كبير مررره يعني بيلقاه بسرعه 

بغيت أنهبل يوم طلعت لي لوحته من بعيد 
دخلت المحل الانطباع الأول أنه محل أبو ريالين بس متطور 
هو اصلا محل ابو سبعه ريال لان اغلب بضاعته بسبعه او سته المحل مرتب ومقسم الاواني..الالعاب..مستحضرات التجميل..القرطاسيهوقشه واجد وشي تعرفين وشو وشي مدري وشو 
لان البضاعه مكتوب عليها بالياباني والكوري((أهم شي 
والعربي بس بعض الاشياء مايكتبون عليها بالعربي 

هذي الحصالات يااني خقيت عليها خقه بغيت اخذلي وحده

بس قلت موب مستفيده منها يمكن المره الجايه 

هذي مهفات((قولي قا

خذت لي وحده منها

اكوابهم كيوووووت 

أصلا موعينهم كلها كيووووت

خذت واحد طبعا

الحين بوريكم الاشياء اللي شرينها انا وامي واختي خمينا المحل

هذي أكياسنا

هذي ألعاب ذكاء أمي ماخذتهم 

وهذي مهفتي يااني خقيت أول ماشفتها

وهذا الشي أكياس بلاستيك كبيرة وتتسكر بسهوله تحطين فيها المفارش مثلا طبعا امي مخذتها

تعليقت جوالي كووووت فار وفارة

هذا الشي لو عندك بلوزه سانه ماعليها صور ولا كلام ولا شي تخذين هذي وتلزقينها عليها وتكوينها عشان تلزق

عجبتني وخذت هذولي

هذا منديل امي خذته فيه فكره بس مااسلت امي عنه لان مكتوب عليه مناديل قابل للاذابه بسألها واقولكم

اليابانيات موب احسن منا وشريت ماسك للوجه هذا غالي بـ24

طبعا غالي بالنسبة لباقي الاشياء اصلا قسم التجميل حسيته هو اغلى شي

الأول دفتر والثاني مذكرات مره عجبني شكلها كيووووت

شكل المذكرات من جوا

اللي قهرني ان قسم القرطاسيه اللي يعتبر افضل شي عندي مشفوووط

هذي حلوه بعد زي الشاخوله بس للقهوة أو الشاي

تحطينها فوق الكوب عشان يصير الشاي صافي بدون شوائب 

ومصنوعه من الورق

هذا الشي مثل الظرف تلزقينه أخر الكتاب أو الدفتر 

تحفظ لك الأوراق عشان ماتضيع مثل كذا 

نوت ثنين مع بعض 

عجبني شكله 

هذولي تعليقات جوال على شكل نوت تكتب فيها ملاحظات صغيرة 

شكلها بعد ماعلقتها على جوالي

ملاعق أكل صينية 

عندي منها بس مليت منهم وشريت جديده

اللي في الوسط حديد دائما ياكلون بهافي الدراما بس مالقيتها في المحلات الصينيه عاد يوم لقيته عندهم خقييت 

هذي علبة مقسمه أقسام صغيره تحطين فيها الحلقات عشان ماتضيع 

أنا كان عندي مثلها بس صغيييره بس خمس أقسام وماتستهال سعرها تقريبا كان 20 ريال

وهذي كبيرة وبـ7 ريال فقط

هذي البلاستيكة اللي تنحط على الجوال عشان تحافظ على الشاشه

أختي خذت وحده لها ووحده لدي اس

نوت أختي ماخذتهم الأحمر فيه منه حبتين عطتني واحد 

هذا الشي أمي شرته ححطينه في الكعب عشان يصير أريح

هذي عجبتني تحطين فيها القطن وتسحبين وحده من التحت 

شكلها حلو على التسريحه او في الحمام 

هذي شكلها كيووووت 

فايدتها مثلا لو عندك مارشملو وشوكلاته بدل ماتحطين عود أسنان تحطينها شكلها أحلى

 أمي ماخذته تحطيه على شعرك اذا سويتي حمام زيت

هالشي فكرته حلوه 

لبتن فاضي وانتي تحطين جواه شاهي التلقيمه 

هالشي الكيوت تحط جواه الجوال شكله ظريف

واللي جمبه الكوب بتاعي

صورة جماعية للخرابيط اللي شريتها أنا =)

وبس خلصنا والحساب طلع أربع ميه وشوي 

엄마 정말 고마워

المذاق الهندي

 السلام عليكم ورحمة الله وبركاته

كيفكم يازوار مدونتي الغالين..؟

ان شالله كلكم بخير

المفروض التدوينه هذي أمس بس أمس كنت تعبانه ومااشتهيه أكتب شي

أمس وماأدراك ما أمس

قررت أروح للمحل الياباني اللي أسمه الدايسو

المحل موجود في العثيم مول

المهم أنا من الفهاوه اللي فيني أقراء في النت أنه في العثيم مول ولا ركزت على الحي

العثيم مول طبعا سفر من بيتنا لين له وللمعلوميه هو في واحد في خريص والثاني في الربوه اظن والمحل المنشود في خريص

واحنا رحنا للي بالربوه

العثيم مول للي ماراح له أتعب وانا أقول كبيييييير وأربع أدوار اظن

المهم اننا مترنا السوق تمتير ندور المحل المنشود((متعوب على الكلمة ركزو

ونسأل العمال وين الدايسو كلهم يقلون وشو ذا اول مره نسمع به ومن زود قوة الوجه نقولهم تشتغل هنا ولا تعرف

المهم لقينا واحد قالنا مابعد يفتح أنا جتني صاعقه كيف مافتح وبنات اقلاع يروحون له لامستحيل والمشكله انهم كاتبينه في خريطه السوق مدري هم سوو نسختين لسوقين كلها والا بيفتح بعدين مدري وش السالفه

بعد مادرنا وتعبنا خلاص ولافكره انا ادق عليهم مايردون لقينا رجل امن حتى رجال امن مافيه في ذا السوق سألناه قال مو هنا في خريص

أنا كن كف جا على وجهي المفهي اييييييييه صح((بدري

عاد قررت أروح أدور شوي أشتري شي

شريت لي حلقات من كليرز ومن أكسسوريز ومراية صغنونه من اكسسواريز

ورحت لمكياجي بشتري روج

طبعا أختكم في الله ماتشتري مكياج أبد الا في أول السنه روج واحد عشان المناسبات والكلية بعض الاحيان حسب المزاج

وبما أن هالترم بطبق قلت لازم أخذ روج محترم وخذت لي واحد

المهم طلعنا من السوق وانا موب راضيه ابدا مااستفاد الا أخواني لعبو ووسعو صدورهم وبعد تقابلو معهم قناة المجد

بس امي وعدتني توديني اللي بخريص وشقيت الفيس

طلعنا من السوق ورحنا لبيت جدتي لانا كنا بنروح مطعم مع خالي المصون

أحنا كنا 12 نفر بنات خالاتي وخالي وأمي قالت بروح معكم

بنت خالتي أقلقتنا الا نروح مطعم هندي بما انها تعشق الهنود وقلنا يله هالمره عشانها

وقررنا نروح مطعم انديا ستايل توه جديد في حي صلاح الدين بزن

في السيارة أنواع الفله و الهبال السيارة كبيره مدري وش اسمها عشان تكفي هالامه

وصلنا واخيرا

شكل المطعم من برا

هذا المدخل

خذنا طاوله

هذا الشي يقدمونه أول ماتجي كمقبلات زي الشيبس بطعم السمك او الربيان ومعه الصوص اللي جمبه طعبه حلو

طلبنا أنا موب مره على الهندي يعني احسه نفس أكل البيت مدري وشوله مطعم هندي وسالفه((وش وداك اجل

فاطلبت جمبري مقلي ورز صيني وبيره

الجمبري لونه أحممممر بس مو حار لاني ماابي حار بس طعمه رهييييييييب

والرز الصيني أنا أحبه اصلا وطعمه بعد شي معه قطع دجاج وجمبري

هذا الشي طلبته بنت خالتي بس ماذقته بس طعمه حلو شكله

فخار جواها رز وفوقها زي الخبز بس رهيف بس مدري وشو هو بالضبط يشقونه وياكلون الرز((لاتسألوني وشوله

بعد البلع

صور ثانيه للمطعم 

هذي لضيافه لما تخلص أكل تاخذ منها حلاو ومناديل معطر وعطر((كنها حركات سعوديين

والله كان يوم رهيب شكرا لخالي العزيز

وتكررها كل ابو كل يوم((ماتلمح أبد
تقييمي للمطعم من ناحية الأكل حلو 
والشكل ماتوقعته كذا من برا أحلى بس مو سيء 
الخدمه جيده 

وأبشركم رحت اليوم الدايسو المحل المنشود

بس بقولكم وش سويت ووش شريت في التدوينه الجايه

안녕

طريقة حذف الشريط العلوي في مدونتك

السلام عليكم ورحمة الله وبركاته 

كيفكم..؟ وكيف التجهيز لدراسه باقي شوي وتجي الله يعين بس بيني وبينكم أشتقتلها مااحب الاجازه تحوس الحياة وتروح 

مو موضوعنا اليوم بقلولكم طريقة ازالة الاطار العلوي من المدونة لان فيه مدونات حلوه وكيوت ويجي هالشريط يخرب عليها كل شي 

الطريقة جدا سهله ومايليلها 

أفتح لوحة التحكم بعدين تصميم بعدين تحرير HTML

أضغط على Ctrl+F

وأبحث عن هالشي

/* Variable definitions 

فوقة مباشرة حطو هالكود 

#navbar-iframe { display: none !important; }

 وبس هذي كل السالفه 

وتصير مدوناتكم حلوة ومرتبة 

وتدعون لي 

للأمانه أنا أخذت الطريقة من مدونة عرب تك

إيقونتك على مزاجك

السلام عليكم ورحمة وبركاته  كل عام وأنتم بخير ينعاد علينا وعليكم  بعد موضوع ايقونات تويتر حمستوني أنزل أيقونات ثانيه بس هالمرة لمواقع أجتماعية ثانيه  أتمنى تنال اعجباكم                                                                                                                                                                                                                                                                     للتحميل جميع الحقوق محفوظة وعليكم بالعافيه =)